"ეს არის იყო სპეცრაზმი, ეს იყო დაცვითი ღონისძიება" - გახარია პანკისში მომხდარ დაპირისპირებაზე

პოლიტიკა - 16:33, 02 May, 2019

808

შინაგან საქმეთა მინისტრის თქმით, პანკისის ხეობაში არა სპეცრაზმი, არამედ სამინისტროს დამატებითი ძალები იყო მობილიზებული და ისინი მუშაობდნენ, მხოლოდ მოქალაქეების უსაფრთხოების დასაცავად. როგორც გახარიამ პარლამენტში გამოსვლისას განაცხადა, ეს იყო დაცვითი ღონისძიება.

„შინაგან საქმეთა სამინისტროს საერთოდ არ აინეტერესებს რა მშენებლობაზეა საუბარი, როდესაც სხვა უწყებებთან ერთად გვეკისრება ვალდებულება მართლწესრიგის დაცვის... ეს საერთოდ არ ყოფილა სპეცოპერაცია, როდესაც ვაკეთებთ ხმამაღალ განცხადებებს, ეს ყველაფერი დადგენადია, შეგიძლიათ წერილი მოიწეროთ და მე გიპასუხებთ...

ეს მოხდა მარტივად, 21 აპრილს დილით კახეთის სამხარეო პოლიციის 35 პოლიციელი შევიდა იმ ლოაკციაზე და შესაბამისად ყველაფერი რაც შემდგომ მოხდა, ეს იყო რეაქცია, როდესაც იყო გამოვლენილი აგრესია ადგილობრივი მოსახლეობის მხრიდან და გამოძახებული იყო დამატებითი საპოლიციო ძალები, ეს არ იყო სპეცრაზმი“, - განაცხადა გიორგი გახარიამ.

მისი განცხადებით, პოლიციის ფუნქცია მართლწესრიგის დაცვა იყო:

„მისი მიზანი იყო არ მომხდარიყო ფიზიკური დაპირისპირება და პოლიციამ შეასრულა ღირსეულად თავისი მოვალეობა, ეს იყო დაცვითი ღონისძიება. ეს იყო ღონისძიება, რომლის ძირითადი მიზანი გახლდათ მოქალაქეების უსაფრთხოების დაცვა, რისთვისაც მათ მადლობა უნდა ვუთხრათ“, - დასძინა გახარიამ