საქართველოს პრეზიდენტის განცხადებას საქართველოში აშშ-ის სამხედრო ბაზის აშენებასთან დაკავშირებით, რომელიც მისი აზრით, არ არის რეკომნედებული, გიორგი გახარია არ აფასებს.

შს მინისტრმა პარლამენტში სიტყვით გამოსვლისას, აღნიშნულ საკითხზე კითხვის საპასუხოდ განაცხადა, რომ ის პრეზიდენტის გამონათქვამს არ შეაფასებს:

„მე არ შევაფასებ პრეზიდენტის გამონათქვამს. მე გეტყვით, რომ აშშ არის საქართველოს სტრატეგიული პარტნიორი, ეს არის ჩვენი სტრატეგიული მოკავშირე, როგორც ქვყენის ტერიტორიული მთლიანობის, ასევე მისი უსაფრთხოების, თავდაცვისუნარიანობის ჭრილში ძირითადი და სტრატეგიული მხარდამჭერი. რა თქმა უნდა, ამერიკის შეერთებულ შტატებთან ორმრიხივი ურთიერთობა, როგორც უსაფრთხოების, ასევე თავდაცვის ნაწილში, არის ამ ქვეყნის პრიორიტეტი“, – განაცხადა გიორგი გახარიამ.