„დიდი შარი მზადდება ქვეყანაში... ურაპატრიოტები და კონფორმისტები ახდენენ მაქსიმალური დაპირისპირების პროვოცირებას“ - გოჩა მირცხულავა მეუფე იობის განცხადებებზე

პოლიტიკა - 15:47, 02 May, 2019

1335

ანალიტიკოსი გოჩა მირცხულავა მეუფე იობის განცხადებებს, რომლებიც მან დავით გარეჯთან დაკავშირებით გააკეთა, სოციალურ ქსელში ეხმაურება:
„მეუფე იობის განცხადება არის პროვოკაცია და ანტისახელმწიფოებრივი აზრის კულტივირების მცდელობა. ეს არის პირდაპირი წაქეზება. იმედს ვიტოვებ, რომ ფრაზები, რომელიც წავიკითხე, იმ კონტექსტში არ თქმულა, როგორც აღიქმევა. და თუ სწორედ ისე თქვა - რა აზრის გამოტანაც არის შესაძლებელი - უპასუხისმგებლობაა, მინიმუმ.ცხადია, რომ ეკლესია მორიგჯერ ცდილობს კლანჭების გამოჩენას და ხელისუფლების კი არა, სახელმწიფოს სუვერებულობის ხელყოფას. რეალურად, ახლა მიმდინარეობს უკანასკნელი ბრძოლა თავისუფალ საქართველოსა და ქართულ საბჭოთა ნარჩენებს შორის, რომლის ნაწილიც გახლავთ ეკლესიის ცალკეული ძალები - პირველ რიგში, საპატრიარქო.სწორედ ეს ძალები, ურაპატრიოტები და კონფორმისტები ახდენენ მაქსიმალური დაპირისპირების პროვოცირებას საზოგადოებაში და პოლიტიკურ სპექტრში. უფრო მეტიც, თითქოს უმნიშვნელო მაგრამ მიზანმიმართული დაძაბულობის ინიცირების მცდელობა გახარიასა და ღარიბაშვილს შორისაც ამათი - ქართველი საბჭოელების - პროვოცირებულია. კიდევ უფრო შორს წავალ - ერთის მხრივ, ოჯახის სიწმინდის დღის დაგეგმვა და მეორე მხრივ, უმცირესობების "წახალისება" რომ ერთი და იმავე პერსონის მიერ ხდება - ესეც ცნობილია და ის შედეგიც, რისთვისაც იწერება ეს სცენარი.
მოკლედ, დიდი შარი მზადდება ქვეყანაში და ჩვენ უაზრო დღის წესრიგით ცხოვრობთ.“