როგორც „ნიუპოსტს“ უწყებაში განუცხადეს, „გავრცელებული ინფორმაცია სიმართლეს არ შეესაბამება, პრეზიდენტის ვიზიტზე მიმდინარეობს მუშაობა დიპლომატიური არხებით, რაც შეეხება თარიღს, მასზე საუბარი ნაადრევია“.
"კურიერის" ინფორმაციით, სალომე ზურაბიშვილს ამერიკის შეერთებულ შტატებში ვიზიტთან დაკავშირებით ვაშინგტონიდან უარი მოუვიდა. საქართველოს პრეზიდენტის აშშ-ში ვიზიტი მარტის თვიდან მზადდებოდა, თუმცა ჯერჯერობით უცნობია, რას უკავშირდება უარი და შედგება თუ არა საერთოდ ზურაბიშვილის ამერიკაში ვიზიტი.
პრეზიდენტის ადმინისტრაციის უკვე ყოფილი ხელმძღვანელი ადასტურებს, რომ საქართველოს პრეზიდენტის აშშ-ში ჩასვლა ჯერ კიდევ მარტიდან იგეგმებოდა.
ლაშა ჟვანია „კურიერთან“ აცხადებს, რომ სალომე ზურაბიშვილის ვიზიტს საგარეო საქმეთა სამინისტრო ამზადებდა. შედგება თუ არა ვიზიტი, ჟვანიას თქმით, მას ინფორმაცია არ აქვს.
მასალის გამოყენების პირობები






