„რა ურთიერთობა გქონდათ პანკისთან დაკავშირებით სახელმწიფო უსაფრთხოების სამსახურთან სპეცოპერაციამდე“

„რა ურთიერთობა გქონდათ პანკისთან დაკავშირებით სახელმწიფო უსაფრთხოების სამსახურთან სპეცოპერაციამდე“ - გოგორიშვილი გახარიას

პოლიტიკა - 14:55, 02 May, 2019

873

„მინისტრის საათის“ ფარგლებში უმაღლეს საკნონმდებლო ორგანოში მყოფ გიორგი გახარიას დეპუტატები მწვავე კითხვებით დახვდნენ. შინაგან საქმეთა მინისტრს კითხვა „ევროპული საქართველოს“ წევრმა ხათუნა გოგორიშვილმა პანკისთან დაკავშირებით დაუსვა და დაინტერესდა თუ რა ურთიერთობა ჰქონდა მინისტრს სახელმწიფო უსაფრთხოების სამსახურთან პანკისის მოვლენებამდე:
„პანკისთან დაკავშირებით თავდაპირველად ტენდენცია განსხვავებული იყო - იყო ცოტა დაბნეულობა, ტონი ცოტა სხვანაირი გქონდათ. შემდეგ დაიწყო ახალი ტრენდი - მედიასაშუალებებში გამოჩნდნენ ე.წ. ექსპერტები და ანალიტოკოსები, რომლებიც ამბობდნენ, რომ ეს ყველაფერი მოგიწყვეს და თქვენ ხართ მსხვერპლი. ზოგიერთმა მჩხიბავმა პირდაპირ თუ მინიშნებით თქვა, რომ ეს ყველაფერი იმიტომ მოხდა, რომ თქვენსა და უშიშროების სამსახურს შორის არის დაპირისპირება. ეს ყველაფერი გრიგოლ ლილუაშვილის ფრაზამ გაამყარა. თუ მას დავუჯერებთ, თქვენ ინფორმაცია რისკების შესახებ უსაფრთხოების სამსახურიდან მოწოდებული გქონდათ და ამის მიუხედავად, მაინც გადაწყვიტეთ სპეცოპერაციის ჩატარება. რა ურთიერთობა გქონდათ პანკისთან დაკავშირებით სახელმწიფო უსაფრთხოების სამსახურთან სპეცოპერაციამდე და სპეცოპერაციის შემდეგ?“, - მიმართა შს მინისტრს ხათუნა გოგორიშვილმა