საქართველოს შინაგან საქმეთა მინისტრი პარლამენტში „მინისტრის საათის“ ფარგლებში იმყოფება, მას ოპოზიციის წარმოამდგენლებმა მწვავე კიტხვები დაუსვეს. ვანო ზარდიაშვილმა კი ისინი აღნიშნულის გამო გააკრიტიკა. ზარდიაშვილის შეფასებით, ხელისუფლების ოპონენტები "რუსთავი 2"-ის სიუჟეტების კითხვებით საუბრობენ.

„ძალიან დიდი იმედი მქონდა, რომ საქმიან რეჟიმში წავიდოდა დებატები და კითხვები შინაგან საქმეთა მინისტრთან, მაგრამ როგორც ჩვეული ვართ არის „რუსთავი 2“-ის სიუჟეტებზე აწყობილი კითხვები. ჩემი ოცნებაა, რომ როდესმე საერთო სახელმწიფოებრივი გამოწვევების წინაშე, სახელმწიფოში როგორც ოპოზიცია, ასევე პოზიცია და აღმასრულებელი ხელისუფლება ვიყოთ ერთიანად განწყობილები და პატრიოტული მოტივებით. ისეთ საკითხები როგორიც დავით გარეჯია, პანკისში მიმდინარე მოვლენები არის საერთო სახელმწიფოებრივი პრობლემა. საერთო სახელმწიფოებრივი გამოწვევა და ვისურვებდი, რომ ამ პოზიციებში ჩართულები იყოთ თქვენც,“-განაცხადა ვანო ზარდიაშვილმა.