"ბიძინა ივანიშვილი ყველაზე შავი საქმისთვის რეალურად ეყრდნობა სწორედ გახარიას"- ბოკუჩავა უსაფრთხოების საბჭოს მდივნად გიორგი გახარიას დანიშვნაზე

პოლიტიკა - 10:19, 01 May, 2019

924

ეროვნული უსაფრთხოების საბჭოს მდივნად გიორგი გახარიას დანიშვნას „ერთიანი ნაციონალური მოძრაობის“ წევრი თინათინ ბოკუჩავა ბიძინა ივანიშვილის სურვილების განხორციელებად აფასებს, მისი თქმით ივანიშვილი ყველაზე შავი საქმის საკეთებლად სწორედ გიორგი გახარიას ეყრდნობა:

"ბიძინა ივანიშვილი ყველაზე შავი საქმისთვის რეალურად ეყრდნობა სწორედ გახარიას, მათ შორის ე.წ. არჩევნების სპეცოპერაციის ჩატარება, ისეთი ტიპის ზეწოლას ჰქონდა ადგილი რომ ერთი ადამიანის სიცოცხლე იმსხვერპლა ამ ზეწოლამ, საუბარია ია კერზაიაზე. ამ ყველაფერზე პასუხისმგებელი იყო სწორედ გახარია და ამიტომ გასაკვირი ნამდვილად არ არის,რომ ახლა უკვე ფორმალურადაც უნდა ბიძინა ივანიშვილს რომ ეს პოსტი სწორედ მას მიანიჭოს."- განაცხადა თინათინ ბოკუჩავამ.

პრემიერ-მინისტრის ხელმძღვანელობით დღეს ეროვნული უსაფრთხოების საბჭოს პირველი სხდომა გაიმართება.

მთავრობის ადმინისტრაციის პრესსამსახურის ინფორმაციით, ეროვნული უსაფრთხოების საბჭოს მდივნის ფუნქცია გიორგი გახარიას დაეკისრა.

ეროვნული უსაფრთხოების საბჭოს პირველი სხდომა 12:00 საათზე დაიწყება.