სალომე ზურაბიშვილი საქართველოში აშშ-ის ბაზის აშენების წინააღმდეგია - "არაა საჭირო გადავდგათ ნაბიჯები, რომლებიც შეიძლება რუსეთისთვის პროვოკაციად იქნას აღქმული"

პოლიტიკა - 10:08, 01 May, 2019

1623

სალომე ზურაბიშვილმა „ამერიკის ხმასთან“ ინტერვიუში აშშ-სთან ურთიერთობის გაღრმავებაზე ისაუბრა. საქართველოს პრეზიდენტის თქმით, აუცილებელია სამხედრო თანამშრომლობის გაზრდა, თუმცა საქართველოში ამერიკული ბაზის აშენება რეკომენდირებული არაა:

„ვიფიქრობ, უნდა გავზარდოთ სამხედრო თანამშრომლობა, რადგან ეს საკმარისი არასდროს არაა. იმის გამო, რომ ჩვენი შეიარაღებული ძალები მეტის საკეთებლად ყოველთვის მზად არიან, ვფიქრობ ჩვენ მეტის მიღება შეგვიძლია დამატებით პირდაპირი თანამშროლმლობით და არა მხოლოდ ნატოსთან. მეტად უნდა ვითანამშრომლოთ ნატოსთან კიბერუსაფრთხოების სფეროში, ან ეს შესაძლოა ორმხრივი თანამშრომლობაც იყოს გამომდინარე იქიდან, თუ როგორ რთულ რეგიონში მდებარეობს საქართველო. ამ პრობლემისთვის თავის გართმევა ეროვნულ დონეზე რთული ამოცანაა. ჩვენ ბევრი ახალი ფორმის თანამშრომლობის დაწყება გვჭირდება.“- განაცხადა ზურაბიშვილმა.

საქართველოს პრეზიდენტმა საქართველოში ამერიკული ბაზის აშენებაზეც ისაუბრა:

„არ მგონია ეს რეკომენდირებული იყოს. ვფიქრობ, ეს ქვეყანა ისეთ ადგილზე მდებარეობს, სადაც უსაფრთხოება უნდა გავაძლიეროთ. არაა საჭირო გადავდგათ ნაბიჯები, რომლებიც შეიძლება პროვოკაციად იქნას აღქმული და ამასთან, არ მგონია შეერთებული შტატები აქ სამხედრო ბაზის ქონისთვის მზად იყო, რაც ყურადღებას მიიქცევს არა მხოლოდ რუსეთისგან, არამედ ტერორისტული მოძრაობებისგანაც, რომლებიც ჩვენს რეგიონში ძალიან აქტიური არიან. ჩვენს შორის არსებული ურთიერთგაგების საფუძველზე, უნდა გავაღრმაოთ და გავაფართოვოთ თანამშრომლობა და არ გადავდგათ ნაბიჯები, რომლებმაც შესაძლოა სხვების რეაქციის პროვოცირება გამოიწვიოს.“- აღნიშნა ზურაბიშვილმა.