საქართველოს თავდაცვის ძალების დაარსებიდან 28 წლის იუბილეზე, მთავარი ღონისძიება ვაზიანში, IV მექანიზებული ბრიგადის ტერიტორიაზე გაიმართა. საქართველოს თავდაცვის ძალების მეთაურმა, გენერალ-მაიორ ვლადიმერ ჩაჩიბაიამ, რომელსაც დღეს გენერალ-ლეიტენანტის უმაღლესი სამხედრო წოდება მიენიჭა, სკანდალური განცხადება გააკეთა და განაცხადა, რომ საქართველომ 28 წლის მანძილზე გადაიტანა 4 ომი, აქედან 3 სამოქალაქო და მხოლოდ ერთი იყო რუსეთის ფედერაციასთან:

„28 წლის განმავლობაში ჩვენმა ქვეყანამ 4 ომი გამოიარა, 3 სამოქალაქო ომი და ერთი ფართო აგრესია რუსეთის სახელმწიფოს მხრიდან. ბევრი ევროპული ქვეყანა ჩამოიშლებოდა თავის თავდაცვის ძალებთან ერთად მაგრამ საქართველო დღეს დგას ფეხზე და მისი თავდაცვის ძალები ვითარდება.“- განაცხადა ჩაჩიბაიამ.