მმართველი პარტიიდან წასული ეკა ბესელიას მიერ მომზადებულ კანონპროექტს პირველი მოსმენით საკანონმდებლო ორგანოში თითქმის ცარიელ დარბაზში განიხილავდნენ. საუბარია უზენაესი სასამართლოს მოსამართლეების შერჩევა-დანიშვნის შესახებ მომზადებულ კანონპროექტზე.

აღნიშნულს ეკა ბესელია გამოეხმაურა და განაცხადა, რომ მმართველ პარტიას არაფერი აინტერესებს, გარადა იმისა, რომ რაც შეიძლება სწრაფად მიიღოს ცუდი კანონპროექტი:

„პარლამენტის ცარიელი დარბაზი და ის, რომ წამყვანი - იურიდიული კომიტეტის თავმჯდომარე საკითხის განხილვას არ ესწრება, აჩვენებს, რომ არაფერი აინტერესებთ, გარდა იმისა, მიღებული დავალება სწრაფად შეასრულონ და ცუდი კანონპროექტი სწრაფად მიიღონ. ეს არის ერთგვარი რენდგენის სურათი, რა მდგომარეობაა დღეს ქვეყანაში, როგორ რეაგირებს იმ ძალიან მნიშვნელოვან ემოციაზე და მოლოდინზე მმართველი პარტია, რაც აქვს შინ და გარეთ ყველას. ეს ჩვენ დავინახეთ. ეს იყო ძალიან კარგი სურათი და ფილტრი, რომ არ არის ინტერესი - მთავარი არის ის მესამე მოსმენა”, - აღნიშნა ეკა ბესელიამ.