კრემლის შურისძიების გეგმა აგვისტოს ომში მონაწილე სამხედრობზე - ვინ გადასცა ФСБ-ს უკრაინელი სამხედროების მონაცემები

პოლიტიკა - 21:22, 29 Apr, 2019

4288

კრემლის შავი სია რუსეთ-საქართველოს ომში მონაწილე სამხედროებზე - ქალაქო როვნოს ციხეში მყოფი „ქილერის“ „შაბათის კურიერისთვის“ მიცემულ ინტერვიუს ეხმაურებიან თავდაცვის ყოფილი მაღალჩინოსნები.

ოლეგ სმოროდინოვმა აღიარა, რომ ФСБ-მ იმ შვიდი უკრაინელი სპეციალისტის ლიკვიდაციის ბრძანება გასცეს, რომლებიც საქართველოს რუსეთისგან საჰაერო თავდასხმისგან იცავდა.

ვინ გადასცა რუსულ სპეცსამსახურებს უკრაინელი სამხედროების მონაცემები, ვინც საქართველოში აგვისტოს ომამდე საჰაერო თავდაცვის სიტემები დააყენა? - ქართველი გენერლები აცხადებენ, რომ ეს ინფორმაცია მკაცრად გასაიდუმლოებული უნდა ყოფილიყო. ქართველი გენერლები ამბობენ, რომ რუსულ რეგულარულ ჯარს ამხელა ზიანი, რაც 2008 წლის ომის დროს განიცადა, მეორე მსოფლიო ომის შემდეგ არ ჰქონია. ყურაშვილის თქმით, უკრაინელმა ინსტრუქტორებმა აგრეგატები 2008 წლის აგვისტოს ომამდე ჩამოიტანეს და დაამონტაჟეს.

"ძალიან დიდი დარტყმა მიიღო რუსულმა ავიაციამ 2008 წელს, ეს იყო სუფთა ქართული პასუხი. რაც შეეხება თვითონ იმ აგრეგატებს, რაც ჩამოსული იყო. კი ბატონო, ჩამოიტანეს, გამართეს, მიღება ჩაბარების აქტებით გადაიბარეს და უკვე გამართული გადააბარეს ქართველებს და ამ გამართვის პროცესში იღებდნენ მონაწილეობას. ეს იყო დიდი ხნით ადრე სანამ დაიწყებოდა საომარი მოქმედებები, მაგრამ როგორც ჩანს რუსული მხარისთვის ეგ საკმარისი აღმოჩნდა, რომ სიცოცხლისთვის გამოესალმებინათ ის პროფესიონალები, რომელებიც ჩამოსული იყვნენ ჩამოტანის დროს. გარწმუნებთ მონაწილეობა რომ მიეღოთ საბრძოლო მოქმედებებში, ერთი ორად მეტი იქნებოდა რუსული ავიაციის დანაკარგი.

მეორე მსოფლიო ომის მერე, რუსულ რეგულარულ ჯარს ასეთი დანაკარგი არ განუცდია. არც ისეთი ზიანი მიუყენებია არტილერიას არსად, არც ავღანელებს ჰქონიათ ეგეთი არტილერია და არც ჩეჩნებს, რომ რეგულარული ჯარისთვის ეგეთი ზიანი მიეყენებინათ და არც ავიაცია დაუკარგავთ ისე, როგორც მოხდა 2008 წელს, საბოლოო მიზეზი აღმოჩნდა იმისთვის, რომ გამოასალმეს სიცოცხლეს, შურისძიება დაეწყოთ, აქტუალურია 11 წელია გასული და არ ასვენებთ გამჩენი, იმიტომ რომ დიდი დანაკარგი ნახეს,“-განაცხადა სამშვიდობო ძალების ყოფილმა სარდალმა, გენერალმა მამუკა ყურაშვილმა.

გაერთიანებული შტაბის ყოფილი უფროსი, გენერალი დევი ჭანკოტაძე ამბობს, რომ საქართველომ რუსეთს დიდი ზიანი მიაყენა, სწორედ ამიტომ უკრაინელი ინსტრუქტორებს შორის კრემლის სიაში ქართველი მეთაურებიც არიან.

„მე არ გამოვრიცხავ, რომ ГРУ-ს დავალებით ხდება განადგურება ამ ინსტრუქტორების, ჩვენ მეუთაურებიც ვართ მაგ სიაში. არ გამოვრიცხავ, ვიცი, რომ სამხედრო მეთაურები ჩვენი ბიჭები, ქართველები, არიან სიაში და როდის მოხდება ეს შურისძიება კაცმა არ იცის,“-ამბობს გენერალი ჭანკოტაძე „კურიერთან“.