"სამართლიანი იქნება დაუბრუნონ უკრაინის პასპორტი ადამიანს, რომელიც წარსულში საქართველოს მოქალაქე იყო"

"სამართლიანი იქნება დაუბრუნონ უკრაინის პასპორტი ადამიანს, რომელიც წარსულში საქართველოს მოქალაქე იყო" - პუტინი სააკაშვილზე

პოლიტიკა - 20:53, 29 Apr, 2019

1971

უკრაინის ახლადარჩეული პრეზიდენტის ვლადიმერ ზელენსკის მიერ ფეისბუქზე გაკეთებულ განცხადებას გამოეხმაურე რუსეთის პრეზიდენტი. ზელენსკი, რომელიც დონბასის მოსახლეობისთვის რუსული პასპორტების დარიგების თემას შეეხო, განაცხადა, რომ უკრაინა მზად არის მოქალაქეობა მიანიჭოს თავისუფლებისათვის მებრძოლ ყველა მოქალაქეს, მათ შორის რუსებსაც. ვლადიმერ პუტინმა ამ გაცხადების საპასუხოდ ზელენსკის ურჩია ადამიანის უფლებების დაცვა ქართელებისგან და კერძოდ სააკაშვილისგან დაიწყოს.

„მართლა ასე თქვა? ძალიან კარგი. ეს მეტყველებს იმაზე, რომ შეიძლება შევთანხმდეთ. ჩვენ ბევრი საერთო გვაქვს. ბევრჯერ მითქვამს, რომ უკრაინელები და რუსები მოძმე ერები არიან. ჩემი აზრით, სინამდვილეში ჩვენ ერთი ერი ვართ. თუ ჩვენ საერთო მოქალაქეობა გვექნება, ამით მოგებული მხოლოდ უკრაინელები და რუსები დარჩებიან. უფრო ძლიერი და წარმატებული ვიქნებით. რაც შეეხება თავისუფლებას, ესეც მნიშვნელოვანი მომენტია. მაგრამ უკეთესია რუსეთისგან და რუსებისგან კი არა, ქართველებისგან ან საქართველოს ყოფილი მოქალაქეებისგან დაიწყოს. სამართლიანი იქნება დაუბრუნონ უკრაინის პასპორტი ადამიანს, რომელიც წარსულში საქართველოს მოქალაქე იყო, ახლა კი თავს უკრაინის მოქალაქედ მიიჩნევს. ვგულისხმობ მიხეილ ნიკოლოზის ძე სააკაშვილს. მას უკანონოდ ჩამოართვეს მოქალაქეობა და უკანონოდ გააძევეს ქვეყნიდან. ამიტომ დარღვეული უფლებები უნდა აღუდგინონ მასაც, და უკრაინის სხვა მოქალააქეებსაც, რომლებიც იძულებული გახდნენ, დაეტოვებინათ უკრაინის ტერიტორია, რომ დღევანდელი რეჟიმის დევნისგან თავი გადაერჩინათ,“ - განაცხადა ვლადიმერ პუტინმა.