ხმაური და დაძაბულობა დავით გარეჯში - თბილისიდან და საგარეჯოდან ჩასულმა მოქალაქეებმა და სამოქალაქო აქტივისტებმა ერთ-ერთ ტაძართან, ჩიჩხატურთან, მისვლა გადაწყვიტეს, ხმაურიც სწორედ ამას მოჰყვა. კერძოდ, ქართველმა და აზერბაიჯანელმა მესაზღვრეებმა აქციის მონაწილეებს ამის საშუალება არ მისცეს, თუმცა რამდენიმე მათგანმა ასვლა მაინც მოახერხა, სადაც აზერბაიჯანელი მესაზღვრეების დახვდნენ. მათ ტერიტორია მალევე დაატოვებინეს.

საქართველოს მოქალაქეებისთვის გაუგებარია, რატომ კონტროლდება ასე ტერიტორია მესაზღვრეების მიერ, რადგან გეოგრაფიულ რუკაზე ჩიჩხიტურის სამონასტრო კომპლექსი შედის საქართველოს იურისდიქციაში.

„გამომდინარე იქიდან, რომ მეტი ესკალაცია არ მოხდეს სიტუაციის, გვთხოვეს მესაზღვრეებმა, რომ დაგვეცვა გარკვეული ტერიტორიის გადაუკვეთებლობა და ვითვალისწინებთ ამ პოზიციას. ჩვენი მიზანია, რომ უბრალოდ სახელმწიფო იყოს უფრო ფხიზლად არა დაიძაბოს სიტუაცია,“ - ამბობს აქციის ერთ-ერთი მონაწილე.

ამ წუთებში ჩიჩხიტურთან იკრიბებიან სასაზღვრო პოლიციის მაღალჩინოსნები, ისინი თათბირს მართავენ.