„ხომ არ არის რაიმე სიგნალი, ან პროვოკაცია“ - ოპოზიცია დავით გარეჯში მონასტერთან მისასვლელი გზის ჩაკეტვაზე პასუხისმგებლობას ხელისუფლებას აკისრებს

პოლიტიკა - 16:07, 25 Apr, 2019

857

დავით გარეჯში უდაბნოს მონასტერთან მისასვლელი გზის ჩაკეტვის გამო ოპოზიცია პასუხისმგებლობას ხელისუფლებას აკისრებს.

„მაშინ, როდესაც არ არის ჯერ კიდევ განსაზღვრული სადაო საკითხები, არავის აქვს უფლება, რაიმე ფორმით შეზღუდოს ვინმეს გადაადგილება - ეს იქნება სასულიერო პირი, ჩვენი თუ სხვა ქვეყნის მოქალაქე. ამაზე უნდა ზრუნავდეს მთავრობა, რატომ მოხდა მაინცდამაინც ახლა ამ ნაბიჯის გადადგმა? - ხომ არ არის რაიმე სიგნალი, პროვოკაცია, ან მინიშნება საქართველოს ხელისუფლებისადმი, კეთილი, ინებოს მთავრობამ და მოაგვაროს ეს პრობლემა,“ - აცხადებს „ნაციონალური მოძრაობის“ ერთ-ერთი ლიდერი რომან გოცირიძე.

„ევროპული საქართველოს“ ერთ-ერთი ლიდერი, გიგა ბოკერია მოუწოდებს ხელისუფლებას აზერბაიჯანის ხელისუფლების პირველ პირებთან კომუნიკაციით გადაჭრან საკითხი.

„ხელისუფლების პასუხიმგებლობაა, რომ აზერბაიჯანი არის მეგობრული ქვეყანა, სტრატეგიული პარტნიორი და ასეთი იმციდენტები არ უნდა ხდებოდეს პარტნიორებს შორის და ამისთვის საჭირო არის ერთის მხრივ მაღალ დონეზე, ასევე სამუშაო დონეზე კომუნიკაცია,"-აცხადებს გიგა ბოკერია.

აზერბაიჯანელმა მესაზღვრეებმა დავით გარეჯში უდაბნოს მონასტრისკენ მისასვლელი გზა ჩაკეტეს.