„ოპოზიციურ პარტიებს შორის ბრიფინგის ენით საუბარს, ჯობია ვკონცენტრირდეთ საერთო მიზანზე, რომ ჩამოვაშოროთ „ოცნება“ ხელისუფლებას“- ბეჟაშვილი ბობოხიძეს პასუხობს

პოლიტიკა - 13:02, 25 Apr, 2019

717

„ევროპული საქართველოს“ განცხადებას, რომ ენმ-მ ოპოზიციაში არსებული შეთანხმება დაარღვია და არჩევნებზე რამდენიმე ქალაქში „ევროპულ საქართველოს“ კონკურენტად კანდიდატი დაუყენა, ენმ-ს წევრმა ლევან ბეჟაშვილმა უპასუხა. მისი თქმით, ის რომ ერთიანი ნაციონალური მოძრაობა მარნეულსა და ზესტაფონში კანდიდატების დაყენებას აპირებდა, ეს წინასწარ ცნობილი იყო.

„ცოტა გაუგებარია, მთავარ ოპოზიციურ პარტიასთან, გაერთიანებულ ოპოზიციასთან ბრიფინგის ფორმატით საუბარი, მაშინ როცა „ევროპული საქართველოს“ ბრიფინგის შინაარსი სიმართლეს არ შეესაბამება. საუბარია ჭიათურის ოლქზე სადაც მერობის კანდიდატი ნაციონალურ მოძრაობას არ დაუყენებია და არც ევროპულ საქართველოს, რაც შეეხება ზესტაფონს და მარნეულს იქ ისედაც ცნობილი იყო, რომ ჩვენ ვაყენებდით ჩვენს კანდიდატურებს, მთაწმინდაზე ევროპული საქართველო აყენებდა თავის კანდიდატურებს. ამიტომ დღევანდელი განცხადება ბუნებრივია დაბნეულობას და გაუგებრობას იწვევს. ჩვენთვის და საქართველოს მოსახლეობის 90%-სთვის მთავარია, რომ ხელისუფლებას უნდა ჩამოშორდეს ივანიშვილი და მისი ქართული ოცნება, ამიტომ ნაცვლად ოპოზიციურ პარტიებს შორის ბრიფინგის ენით საუბარისა, ჯობია ვკონცენტრირდეთ საზოგადოებასთან ერთად ამ საერთო მიზანზე, რომ ჩამოვაშოროთ ქართული ოცნება ხელისუფლებას.“- განაცხადა ლევან ბეჟაშვილმა.