გაერთიანებული ოპოზიცია "ძალა ერთობაშიას" წევრი, ენმ-ს დეპუტატი სალომე სამადაშვილი ამბობს, რომ აშშ-ის ელჩის მოვალეობის შემსრულებლის შეფასება ​საყვედურია საქართველოს დღევანდელი ხელისუფლებისადმი.

„ჩვენი სტრატეგიული პარტნიორისთვის, ამერიკის შეერთებული შტატებისთვის სასამართლო სისტემის რეფორმა ერთ-ერთი პრიორიტეტია. ეს არაერთხელ იყო გაცხადებული. ამერიკის სახელმწიფო დეპარტამენტმა და შესაბამისმა უწყებებმა ეს შეფასებები საკუთარ ანგარიშებში გააკეთეს.

შეიძლება, ითქვას, რომ ამერიკის ელჩის შეფასება ​საყვედურია საქართველოს დღევანდელი ხელისუფლებისადმი, რომელმაც საკუთარი პოლიტიკური დღის წესრიგი მართული სასამართლოს სახით დააყენა და ამას უპირატესი მნიშვნელობა მიანიჭა, ვიდრე იმ ვალდებულებებს, რომელიც საქართველოს საერთაშორისო თანამეგობრობის წინაშე სასამართლოს დამოუკიდებლობის უზრუნველყოფის თვალსაზრისით აქვს აღებული“,- აცხადებს სამადაშვილი.

აშშ-ის ელჩის მოვალეობის შემსრულებელმა როს უილსონმი საქართველოში არსებულ სასამართლოს რეფორმაზე საუბრობს.

როგორც მან აღნიშნა, აშშ მხარს უჭერს საქართველოს სასამართლო სისტემის განვითარებას თუმცა, მიღებული კანონმდებლობით ამერიკელი დიპლომატები გულდაწყვეტილები არიან.