„ქართულ ოცნებას“ ურჩევნია შეეშვას სისულელეებს და იზრუნოს იმაზე, იქნებ თავისი კანდიდატი გაათრიოს როგორმე მეორე ტურამდე“

„ქართულ ოცნებას“ ურჩევნია შეეშვას სისულელეებს და იზრუნოს იმაზე, იქნებ თავისი კანდიდატი გაათრიოს როგორმე მეორე ტურამდე“ - ანი წითლიძე

პოლიტიკა - 14:46, 24 Apr, 2019

747

ზუგდიდში მერის არჩევნებისთვის ემზადებიან. სანდრა რულოვსის საარჩევნო შტაბი და გაერთიანებული ოპოზიციის „ძალა ერთობაშია“ ლიდერები აქტიურ რეჟიმში აგრძელებენ მოსახლეობასთან შეხვედრებს, ხოლო სახელისუფლო მედია სანდრა რულოვსის შტაბში დაპირისპირებაზე წერს. არა ერთხელ იქნა ნახსენები ედპ-ის ლიდერის ბაჩუკი ქარდავას და ენმ-ის ზუგდიდის ორგანიზაციის ლიდერის, საკრებულოს წევრის ანი წითლიძის სახელი.

გაერთიანებული ოპოზიციის ლიდერებმა დღეს მედიასთან განმარტება გააკეთეს. ანი წითლიძემ ქართულ ოცნებას ურჩია, გაერთიანებული ოპოზიციის წინააღმდეგ ჭორების გავრცელების ნაცვლად, საკუთარ კანდიდატზე იმუშაონ, რომ „მეორე ტურამდე გაათრიონ“.

„ქართულ ოცნებას სხვა არაფერი დარჩენია გარდა იმისა, რომ ასეთი ინტრიგები ხლართოს, ჩვენ არ ვართ „ქართული ოცნება“, რომ ყველა ბიძინა ივანიშვილი რასაც იტყვის იმ აზრზე ვიყოთ. კიდევ ერთხელ ვამბობ, რომ ეს არის აბსოლუტური სისულელე, რომელიც იმართება „ქართული ოცნების“ ოფისიდან და მოვუწოდებ, შეეშვან ამას და იზრუნონ, რომ იქნებ ეს თავიანთი კანდიდატი როგორმე გაათრიონ მეორე ტურამდე მაინც“, - განაცხადა ანი წითლიძემ.