"შს მინისტრი აღმოჩნდა დარტყმის ქვეშ... ქისტების აგრესია გამოიყენა თამაზაშვილი-ღარიბაშვილის ჯგუფმა"

"შს მინისტრი აღმოჩნდა დარტყმის ქვეშ... ქისტების აგრესია გამოიყენა თამაზაშვილი-ღარიბაშვილის ჯგუფმა" - ელისო კილაძე

პოლიტიკა - 23:53, 23 Apr, 2019

958

გაზეთ ქრონიკა+-ის რედაქტორმა, ელისო კილაძემპანკისის მოვლენები "არჩევანის" ეთერში შეაფასა და განაცხადა, რომ ყველაფერი, რაც ქვეყანაში ხდება, არის ხელისუფლების პასუხისმგებლობა.

ელისო კილაძე პანკისის მოვლენებს შიდა ომის საკითხს უკავშირებს და სუს-ის პასუხისმგებლობაზეც საუბრობს. ის ამბობს, რომ სუს-მა არ მიაწოდა ინფორმაცია შსს-ს.

„ქისტების ემოციებზე იმუშავა გარკვეულმა სამსახურებმა. სუს-მა არ მიაწოდა, მინიმუმ, ინფორმაცია შსს-ს იმ არსებულ რეალობასთან დაკავშირებით, რაც იყო პანკისში და ვინ გამოიყენა სიტუაცია? დიახ, არ იყო ეს ყველაფერი მომზადებული. დიახ, ეს იყო უწყებრივი ომი და დიახ, შს მინისტრი აღმოჩნდა დარტყმის ქვეშ. როცა ის პირადად ჩავიდა პანკისის ხეობაში, ადეკვატური გახდა სიტუაცია. სპეცრაზმი აღმოჩნდა ძალიან მძიმე მდგომარეობაში მოსახლეობასთან დაპირისპირებაში. როგორ წარმოგიდგენიათ, რომ ეს ყველაფერი ასე სპონტანურად დაიგეგმა ერთ საათში და გაჩნდა მოლოტივის კოქტეილები?“ - განაცხადა ელისო კილაძემ.

ელისო კილაძე აცხადებს, რომ ქისტების მთელი აგრესია გამოიყენა თამაზაშვილი-ღარიბაშვილის ჯგუფმა, რომელიც ემზადება დასაბრუნებლად და მათ შორის, პანკისის ხეობაში.

მისი თქმით, ირაკლი ღარიბაშვილი გახარიას პირად მტრად აღიქვამს და მას სურს, სწორედ მისი ადგილი დაიკავოს.

ელისო კილაძე აცხადებს, რომ როდესაც საუბარია ვინმეს პოლიტიკურ პასუხისმგებლობაზე, არ შეიძლება, ამ კონტექსტში განიხილებოდეს მხოლოდ გიორგი გახარია.