არეულობა პანკისში - პარლამენტის თავმჯდომარე ირაკლი კობახიძის თქმით, ყველა ვინც პოლიციას თავს დაესხა და წინააღმდეგობა გაუწია კანონის წინაშე უნდა დაისაჯოს.

"ზოგადად, კანონი უნდა იყოს განუხრელად დაცული. ამავდროულად, რა თქმა უნდა, მნიშვნელოვანია ხალხთან ურთიერთობა, კომუნიკაცია იმისათვის, რომ პრევენცია განხორციელდეს მომავალში ისეთი სურათის, რომელიც ჩვენ ვიხილეთ და ასევე, მნიშვნელოვანია, რომ ხალხს ვესაუბროთ კონკრეტულ პროექტებთან დაკავშირებით. ვიდრე საქმე მივა ასეთი ტიპის გართულებამდე, საჭიროა, რა თქმა უნდა, ინტენსიური კომუნიკაცია და ამ პრინციპით უნდა ვიხელმძღვანელოთ" - აღნიშნა პარლამენტის თავმჯდომარემ.