„ეს არის შალიკო ნათელაშვილის მოხდენილი ფრაზები, თქვენ არ უნდა გეკადრებოდეთ, გადადით ლეიბორისტებში“

„ეს არის შალიკო ნათელაშვილის მოხდენილი ფრაზები, თქვენ არ უნდა გეკადრებოდეთ, გადადით ლეიბორისტებში“ - დაპირისპირება პარლამენტში

პოლიტიკა - 15:24, 23 Apr, 2019

1031

საქართველოს ფინანსთა მინისტრი ივანე მაჭავარიანი პარლამენტში დეპუტატების კითხვებს პასუხობს. საფინანსო-საბიუჯეტო კომიტეტის სხდომაზე დაპირისპირება მოხდა მაჭავარიანსა და გიგა ბოკერიას შორის:„ძირითადად ეროვნულ ბანკთან გვაქვს თანხმობა მთავარ პრინციპებზე და ხედვაზე. გეტყვით მარტივ ენაზე რასთან გვაქვს საქმე. ვისაც თინეიჯერი შვილი ჰყავს, ყველა ვნერვიულობთ გვიან არ მოვიდნენ, რამე არ დაუშავდეთ. ასეა, ბატონი კობა ამბობს, რომ 10:00 საათზე მოვიდეს ბავშვი სახლში და მე ვამბობ, რომ 23:00 საათამდე დატოვეთ“, - აღნიშნა მაჭავარიანმა.

აღნიშნულზე ბოკერიამ მაჭავარიანს მიმართა, რომ მთავრობას მოქალაქეები ბავშვები ჰგონია.

„ვიცოდი კიდევაც, რომ ბავშვებად მიგაჩნიათ მოქალაქეები. ცუდი ანალოგი გამოგივიდათ ძალიან, მითუმეტეს, რომ ეროვნული ბანკის პრეზიდენტმა მანამდე ხალხის კულტურის ამაღლება დაისახა მიზნად“, - აღნიშნა ბოკერიამ.

ბოკერიას მაჭავარიანმა ურჩია, რომ „ლეობორისტულ პარტიაში“ გადავიდეს.

„თუ ვინმეს ბავშვად მიაჩნია ვინმე, ეს იმას ნიშნავს, რომ უფრო მეტს ზრუნავს, თუ მაინცდამაინც ეს გინდათ, თუ არადა „ლეიბორისტულ პარტიაში“ გადადით, ეს არის შალიკო ნათელაშვილის მოხდენილი ფრაზები, ეგ თქვენ არ უნდა გეკადრებოდეთ“, - განაცხადა მაჭავარიანმა.