„როგორც კი გაუჭირდათ ეგრევე ღლიცინზე გადავიდნენ, მთავრობა გახარიას ღლიცინით უსუსურობის გადაფარვას ცდილობს“- ბოკერია

პოლიტიკა - 15:21, 23 Apr, 2019

797

ვინ ვის დაპატიჟებს ფინჯან ყავაზე? - ქვეყანაში არსებული მძიმე პრობლემების ფონზე, შინაგან საქმეთა მინისტრი ოპოზიციისგან ფინჯან ყავაზე დაპატიჟებას და კითხვებზე ამ გზით პასუხის გაცემას სთხოვს. ოპოზიცია აღნიშნულზე თანახმაა, თუმცა მმართველი გუნდის წარმომადგენელი, ირაკლი სესიაშვილი გამოდის ინციიატივით, ორივე მხარე თავად დაპატიჟოს ყავაზე.

„ევროპული საქართველოს“ ერთ-ერთი ლიდერი გიორგი გახარია კი ამ ყოველივეს ღლიცინს უწოდებს და ღნიშნავს, რომ ამით შინაგან საქმეთა მინისტრს აქტუალური თემების გადაფარვა სურს:

„რეალობა არის ძალიან მძიმე, ის, რაც ვიხილეთ პანკისში, ის რასაც ვხედავთ მთელი ამ წლების განმავლობაში და ის დამოკიდებულება, რაც აქვთ პარლამენტის მიმართ და საკუთარი დადგენილი წესების მიმართ. ეს რამე შეთავაზება კი არ არის, ან კი არ გვსიამოვნებს მათთან პერსონალური ურთიერთობა, ეს არის მათი ვალდებულება და ჩვენი უფლება, რომ მოვიწვიოთ დიდი ზარ-ზეიმით გამოცხადებული "ოცნების" და ივანიშვილის გუნდის მიერ, რომ ასეთი რეგლამენტი მიიღეს და პირველივე წინააღმდეგობებზე, როცა პრობლემატური საკითხია მერე არღვევენ საკუთარ წესებს. ეს არის მაგალითი იმის, როგორ მართავენ ისინი საერთოდ ქვეყენას, რომ მათთვის წესები არ არსებობს, როგორც კი გაუჭირდათ, ეგრევე ღლიცინზე გადავიდნენ, ეს ძალიან მძიმე ვითარებაა,“ - განაცხადა ბოკერიამ.