საქართველოს ფინანსთა მინისტრი ივანე მაჭავარიანი პარლამენტის საფინანსო-საბიუჯეტო კომიტეტის სხდომაზე იმყოფება, ის დეპუტატების კითხვებს პასუხობს. ფიონანსთა მინისტრი მიიჩნევს, რომ საპენსიო რეფორმა საქართველოსთვის ისტორიული მნიშვნელობისაა და მოსალოდნელია, რომ ის გრძელვადიან პერიოდში ქვეყნის ეკონომიკას 4%-ით გაზრდის:

„ჩვენ ძალიან კარგად გვესმის ქვეყანაში არსებული საპენსიო სისტემის პრობლემები. ამგვარ გამოწვევებზე საპასუხოდ ყველაზე საუკეთესო, რაც მსოფლიოში გამოიგონეს, არის მრავალსვეტიანი საპენსიო სისტემა. სწორედ ეს არის ის, საითკენაც უნდა წავიდეთ ჩვენც. ბუნებრივია, ეს სისტემა გულისხმობს არსებული საბაზისო, უნივერსალური სვეტის შენარჩუნებასა და მნიშვნელოვნად გაძლიერებას. მრავალსვეტიანი სისტემის მთავარი მიზანი იყო და არის, ფისკალურად მდგრადი სისტემის შექმნა, რომელიც უზრუნველყოფს ჩვენი მოქალაქეების ღირსეულ საპენსიო შემოსავლებს. ჩატარებული ანალიზის საფუძველზე, ასევე, საერთაშორისო გამოცდილებაზე დაყრდნობით, მოსალოდნელია, რომ საპენსიო რეფორმა გრძელვადიან პერიოდში ეკონომიკას გაზრდის 4 პროცენტით, ხოლო მიმდინარე ანგარიშს გააუმჯობესებს 2 პროცენტული პუნქტით“, – აღნიშნა ფინანსთა მინისტრმა.