"მნიშვნელობა არ აქვს ვინ აფინანსებს, მნიშვნელოვანია სახელმწიფომ უზრუნველყოს ინვესტორების პროექტების შეუფერხებლად განხორციელება"- ლექვინაძე

პოლიტიკა - 12:37, 23 Apr, 2019

669

ჰესის მშენებლობა პანკისი ხეობაში და „ქართული ოცნების“ თავმჯდომარის ბიძინა ივანიშვილის კავშირი - ბიზნეს ომბუდსმენის, ირაკლი ლექვინაძის განცხადებით, არ აქვს მნიშვნელობა, ვინ აფინანსებს კონკრეტულ პროექტს, მთავარია ინვესტორის უფლებები დაცული და გარანტირებული იყოს.

ლექვინაძის განცხადებით, პანკისი ჯერჯერობით ერთადერთი რეგიონია, სადაც მოსახლეობის პროტესტის ჩასახშობად და კონკრეტული ჰესის მშენებლობის დასაცავად ხელისუფლებამ, სპეცრაზმი და სრული საპოლიციო ძალა გამოიყენა.

„საქართველოში ჰესების მშენებლობაში წარმოდგენილია ძალიან ბევრი ინვესტორი, როგორც ადგილობრივი ისე უცხოელი ინვესტორები, მნიშვნელოვანია სახელმწიფოს მხრიდან ისეთი ნაბიჯები, რომლებიც უზრუნველყოფს ინვესტორების მიერ დაგეგმილი პროექტების შეუფერხებლად განხორციელებას. ამიტომ არანაირი მნიშვნელობა არ აქვს, ვინ, სად, არის ინვესტორი, პროექტი რომელიც შეთანხმებულია, იქნება ეს საქართველოს ნებისმიერ რეგიონში და ა.შ. მნიშვნელოვანია, რომ მათი განხორციელება მოხდეს შეუფერხებლად,“-განაცხადა ირაკლი ლექვინაძემ.