გავრცელებული ინფორმაციით, პანკისის ხეობაში დღეს, 21 აპრილს განვითარებული მოვლენებისას 2 პირია დაკავებული. ხეობის მაცხოვრებლები მათ დაუყოვნებლივ გათავისუფლებას ითხოვენ. აქციის მონაწილეთა ნაწილმა სცადა სამთავრობო მანქანებისთვის გადაადგილების საშუალება არ მიეცა მანამ, სანამ დაკავებულები არ გათავისუფლდებოდნენ. ისინი მანქანებს წინ გადაუდგნენ, რასაც მცირე სიტყვიერი დაპირისპირებაც მოჰყვა.

მთავრობის წევრებმა პანკისის ხეობა უკვე დატოვეს, ხეობას ეტაპობრივად ტოვებს სპეციალური დანიშნულების რაზმი და სპეცტექნიკა.ადგილზე რჩებიან დაცვის პოლიციის თანამშრომლები.

შეგახსენებთ, რომ გიორგი გახარიას განცხადებით, ყველა ის ადამიანი, რომელმაც ფიზიკურად იძალადა შინაგან საქმეთა სამინისტროს თანამშრომლებზე, კანონის სრული პასუხისმგებლობით შესაბამისობაში აგებს პასუხს.