დილიდან დაძაბულია ვითარება პანკისის ხეობაში. ამ დროისთვის აქციის მონაწილეები თელავში შს მინისტრთან და სამხარეო პოლიციის უფროსთან მოლაპარაკებაზე წასულ პირებს ელოდებიან, თუმცა აცხადებენ, რომ მოსახლეობა დათმობაზე არ წავა.

მათი მოთხოვნაა - "შეწყდეს სიკვდილის ჰესების აშენება პანკისის ხეობაში"

"პანკისის მოსახლეობის 90%-ს არ უნდა აშენდეს დამატებითი ჰესი. ეს არის ჩაბუდებული ვეშაპი, რომელიც მსხვერპლს ითხოვს," - აცხადებს ერთ-ერთი ადგილობრივი.

პანკისელები განმარტავენ, რომ ხელისუფლება მათ გარკვეულ შეღავათებს და ინფრასტრუქტურის მოწესრიგებას ჰპირდებოდა ჰესის აშენების სანაცვლოდ, თუმცა ისინი ამ პირობებზე არ თანხმდებიან.