ცნობისთვის, საარჩევნო კოდექსის 45-ე მუხლის მეოთხე ნაწილში პირდაპირ წერია, რომ ცესკოს წარმომადგენელს აგიტაციის ჩატარება და კონკრეტული პოლიტიკური პარტიისა თუ ფიგურის პროპაგანდა ეკრძალება.

"ნიუპოსტმა" ინეზა მურღულიას პოზიციის დაფიქსირების საშუალება მისცა, თუმცა მან ჩვენს კითხვებს არ უპასუხა. ზუგდიდის მეხუთე საარჩევნო უბნის კომისიის თავმჯდომარე არ უარყოფს, რომ გეგა შენგელიას სასარგებლო აგიტაციის შემცველი პოსტი ნამდვილად მის ოფიციალურ გვერდზე გამოაქვეყნა, მურღულია, არც იმას მალავს რომ "ქართული ოცბნების" მხარდამჭერია.

ინეზა მურღულია კომენტარში შვებულებაში ყოფნაზე აპელირებს, თუმცა, რეალურად მისი მხრიდან კანონსაწინააღმდეგო ქმედება ეხება არა მის სამსახურეობრივ საქმიანობას, არამედ კომისიის თავმჯდომარის მოადგილის პოზიციიდან წინასაარჩევნოდ სახელისუფლო კანდიდატის სასარგებლოდ სააგიტაციო ქმედებას.

ცნობისთვის, ეს არ არის პირველი შემთხვევა, როცა მურღულია საარჩევნო სკანდალში ეხვევა. 2016 წლის საპარლამენტო არჩევნებისას ინეზა მურღულია არასამთავრობო ორგანიზაციებმა მმართველი პოლიტიკური პარტიის მაჟორიტარობის კანდიდატის, მერაბ ქვარაიას აგიტაციაში ამხილეს.

"ნიუპოსტი" არასამთავრობო ორგანიზაციებსა და ყველა პოლიტიკურ მხარეს დაუთმიბს თავის საინფირმაციო სივრცეს არსებული დარღვევებისა და კანონსაწინააღმდეგო ქმედებების გასაშუქებლად.