რუსთავი 2-თან დაკავშირებით კობახიძის მუქარას სახალხო დამცველი გამოეხმაურა

პოლიტიკა - 21:44, 19 Apr, 2019

1708

სახალხო დამცველის თქმით რუსთავის 2-ის საქმის სტრასბურგის სასამართლოსთვის გადაცემამდე, სამაუწყებლო კომპანიის მიმართ ხელისუფლების პოზიცია ისედაც ნათელი იყო. აღნიშნული კომენტარით. ნინო ლომჯარია ირაკლი კობახიძის განცხადებას გამოეხმაურა, იმასთან დაკავშირებით, რომ ქართული სასამართლოების მიერ გამოტანილი განაჩენი, რომ რ2 თავის ძველ მფლობელს უნდა დაუბრუნდეს, კანონიერია.

ომბუდსმენი დადებითად აფასებს იმ ფაქტს, რომ საქმეს ევროპის ადამიანის უფლებათა დაცვის სასამართლო განიხილავს, რადგან მისი თქმით, სტრასბურგის სასამართლოს სრული ნდობა აქვს.

„ამ საკითხთან დაკავშირებით ხელისუფლების წარმომადგენლებს ყოველთვის ჰქონდათ თავიანთი პოზიცია, მათ შორის მანამ, სანამ დავა დაიწყებოდა „რუსთავი 2"-ის მფლობელობასთან დაკავშირებით. ძალიან კარგია, რომ საკითხი გადასაწყვეტად არის გადაცემული სტრასბურგის სასამართლოს. ამ სასამართლოს მიმართ ნამდვილად არ გაჩნდება და მის მიერ მიღებული გადაწყვეტილების მიმართ არ გაჩნდება კითხვები და სრული ნდობა აქვს სასამართლოს. ამ ყველაზე კითხვაზე სტრასბურგი გასცემს პასუხს, რამდენად სამართლიანი იყო მართლმსაჯულება საქართველოში და როგორ შეაფასებს ის განვითარებულ მოვლენებს,“ - განაცხადა ნინო ლომჯარიამ.