საფრანგეთის ქალაქ მონპელიეში პრეფექტურის წინ, სადაც ქართველ ემიგრანტებს „კარვების ქალაქი“ აქვთ მოწყობილი დღეს აქცია გაიმართა. ისინი საფრანგეთის ხელისუფლებისგან დამხარებას და თავშესაფრის მიცემას ითხოვენ. მათი თქმით, საქართველო სულაც არაა უსაფრთხო ქვეყანა და საკუთარ სამშობლოდან ისინი სიღარიბეს და უპერსპექტივობას გამოექცნენ. აქციაზე იმყოფებოდა ვეტერანიც, მისი განცხადებით, საქართველოს ხელისუფლებას ის არ ახსოვს და ცხოივრების ელემენტარული პირობებიც არ აქვს, ამიტომ საქართველოს მოქალაქეობაზე უარს ამბობს:

„არ მინდა საქართველოს მოქალაქეობა იმიტომ, რომ არანაირი ფასი არ აქვს საქართველოში, დღევანდელ მთავრობასთან, ადამიანმა გინდ იბრძოლე, გინდ არა. ვეტერანის მოწმობაც არ მინდა, უარს ვაცხადებ საქართველოს მოქალაქეობაზეც, არც ვეტერანობა მინდა, არაფერი. იმ დონეზე მიმიყვანეს ავადმყოფი ადამიანი, რომ ყველაფერზე უარი მათქმევინეს.“- განაცხადა მან რუსთავი2-თან და ვეტერანის მოწმობა კამერების წინ გაანადგურა,

საქართველოს მოქალაქეები აქციის უწყვეტ რეჟიმში გაგრძელებას აანონსებენ.