საფრანგეთის ქალაქ მონპელიეში, საქართველოს მოქალაქეებს კვლაავ კარვები აქვთ გაშლილი.

აღნიშნულს გამოეხმაურა საგარეო საქმეთა მინისტრი დავით ზალკანიანი, რომელმაც მოუწოდა ქართველ ემიგრანტებს, რომ დევნილის სტატუსის მიღების მსურველები საკუთარი ქმედებით ევროკავშირთან უვიზო მიმოსვლის საკითხს საფრთხის ქვეშ აყენებენ.

„ჩვენ აქტიურად ვმუშაობთ როგორც საკანონმდებლო, ისე აღმასრულებელ დონეზე, რომ ახალი ინიციატივები იყოს გაჟღერებული იმისთვის, რომ მოხდეს პრევენცია თავშესაფრის ზრდასთან დაკავშირებით. შესაბამისი კანონმდებლობა იყო მიღებული პარლამენტში და დარწმუნებული ვარ, რომ ჩვენი პარლამენტარები ამაზე ისაუბრებენ. ანუ კრიმინალიზაცია ხდება იმ ადამიანების, ვინც ორგანიზებას უწევენ, ასე ვთქვათ, არამართლზომიერად ამ ადამიანების გაყვანას თავშესაფრის მაძიებლის მოთხოვნის კუთხით. ყველას მოვუწოდებ, რომ გაგებით მოვეკიდოთ, გავუფრთხილდეთ ამ ჩვენი ქვეყნისთვის უმთავრეს მონაპოვარს. აქ მოგებული და წაგებული არ იქნება. აქ ქვეყანა დამარცხდება იმ შემთხვევაში, თუ ეს შეჩერების მექანიზმი ამოქმედდა" - აღნიშნა საგარეო საქმეთა მინისტრმა.