პარლამენტის წევრმა, გედევან ფოფხაძემ, უმრავლესობის წევრებს მიმართა დაეკონკრეტებინათ, რა პოზიცია აქვთ ვენეციის კომისიის დასკვნის იმ ნაწილთან დაკავშირებით, სადაც იუსტიციის უმაღლესი საბჭო არის გაკრიტიკებული.

„არის პოლიტიკური მოცემულობა, რომელზეც საუბრობს თვითონ ვენეციის კომისიაც, რომელიც საერთოდ ამაზე არ ლაპარაკობს და ეს პოლიტიკური მოტივაცია და მდგომარეობა გამოიხატება იმაში, რომ გვაქვს ძალიან ცუდი იუსტიციის საბჭო, რომელსაც უნდა კლანის დონეზე ჩაიგდოს უზენაესი სასამართლო ხელში. თქვენ ამ პროცესის მდგომარეობაში რომელ მხარეს ხართ - კეთილის თუ ბოროტის მხარეს? ეს მინდა გავარკვიო. მარტივად მითხარით რა, ბნელ მხარეზე ხართ ამ პროცესში თუ ნათელ მხარეზე, ე.ი. კლანის მხარეზე ხართ თუ ხალხის მხარეზე?" - აღნიშნა ფოფხაძემ.