მოსამართლეთა შერჩევის წესი და ვენეციის კომისიის რეკომენდაციები - გიგა ბოკერია "ოცნებისგან" არგუმენტირებულ პასუხებს ითხოვს

პოლიტიკა - 16:44, 19 Apr, 2019

602

„ევროპული საქართველოს“ ლიდერის გიგა ბოკერიას შეფასებით, უზენაესი სასამართლოს მოსამართლეების დანიშვნის შესახებ მმართველი გუნდის მიერ წარმოდგენილი კანონპროექტი სასამართლო ხელისუფლების უზურპაციაა და ქვეყნის ინტერსების ნაცვლად ბიძინა ივანიშვილისა და კლანის ინტერესებს ემსახურება. ბოკერია დაინტერესდა, რა პრინციპის გამო ამბობს უარს მმართველი გუნდი ვენეციის კომისიის რეკომენდაციების გათვალისწინებაზე:

„რატომ ხართ წინააღმდეგი კენჭისყრის გახსნილობის, იმიტომ კი არა რომ ესე ჯობია, არგუმენტი, მეორე - რატომ ხართ წინააღმდეგი, რომ დასაბუთება ახლდეს თან და დაიწყოთ ისევ დემაგოგია, რომ გასაჩივრება არ უნდა შეიძლებოდეს. მესამე - რატომ ხართ წინააღმდეგი ინტერესთა კონფლიქტის მკაფიო გამიჯვნის. რატომ არ შეიძლება თქვენი აზრით, რომ ის ვისაც უნდა უზენაესი სასამართლოს წევრობა, არ იყოს წევრი იუსტიციის უმაღლესი საბჭოსი და პირიქით. რატომ არ გინდათ, რომ მსაჯები და მოსამართლეები ერთმანეთისგან გამიჯნოთ? რატომ? არგუმენტი გვითხარით. ხართ წინააღმდეგი იმ ვარიანტის, რაც „ევროპულმა საქართველომ" შემოგთავაზათ, რომ თითო სხდომაზე სამი კანდიდატი იქნას არჩეული, რომ თქვენ სერიოზული განხილვის დრო გქონდეთ,“- განაცხადა გიგა ბოკერიამ.