უზენაესი სასამართლოს მოსამართლეების შერჩევის წესის შესახებ ვენეციის კომისიის მიერ გამოქვეყნებულ რეკომენდაციებს მნიშვნელოვანს უწოდებს იუსტიციის საბჭოს არამოსამართლე წევრი ანა დოლიძე, რომლის თქმითაც, საინტერესოა, რამდენად გაიზიარებს უცხოელი პარტნიორების რეკომენდაციებს პარლამენტის თავმჯდომარე.

„ვენეციის კომისიამ წარადგინა უმნიშვნელოვანესი რეკომენდაციები ყველა მიმართულებით, ეს მოსალოდნელიც იყო და ასევე, მოსალოდნელი იყო პარლამენტის თავმჯდომარის სამოსნური ახსნა-განმარტებები, სკოლაში რომ იცოდნენ ხოლმე, რომ რვეული სახლში დამრჩა და ბებიასთან დავრჩი და ამიტომ დავალება ვერ გავაკეთე, მსგავსი ტიპის თავის გამართლებები. დღეს ჩვენ აქ მოვედით იმისთვის, რომ ვაჩვენოთ და დავადასტუროთ რამდენად აპირებს ვენეციის კომისიის პოზიციის გაზიარებას თავმჯდომარე, თუ მსგავსი ტიპის შეხვედრები უბრალოდ არის კეკლუცობა ჩვენი უცხოელი პარტნიორების წინაშე,“- ამბობს დოლიძე.