ვენეციის კომისია საქართველოს ხელისუფლებას ურჩევს პარლამენტმა უზენაესი სასამართლოს მოსამართლეთა ის რაოდენობა აირჩიოს, რომელიც აუცილებელია უზენაესი სასამართლოს სამუშაოს სამართავად. რეკომენდაციების მე-16 პუნქტში ნათქვამია, რომ მათი რიცხვი არ უნდა აღემატებოდეს პოზიციის ნახევარს, რომელიც ვაკანტური იქნება. დანარჩენს, შემდეგი არჩევნების გზით არჩეული პარლამენტი დანიშნავს. კომისია მიიჩნევს, რომ აუცილებელია არჩევის მეთოდი არ ეფუძნებოდეს პოლიტიკურ ან პირად განხილვებს. დასაშვებობის კრიტერიუმი კი საკმარისად ფართო უნდა იყოს კანდიდატთა და წარდგენილ პირთა მრავალფეროვნებისთვის.

პარლამენტმა უზენაესი სასამართლოს მოსამართლეთა ის რაოდენობა უნდა აირჩიოს, რომელიც აუცილებელია უზენაესი სასამართლოს სამუშაოს სამართავად. ახალი მოსამართლეების რა რაოდენობა იქნება საჭირო საამისოდ, უნდა გადაწყდეს უზენაეს სასამართლოსთან კონსულტაციების შემდეგ. რიცხვი არ უნდა აღემატებოდეს 18-დან 20-მდე, პოზიციის ნახევარს, რომელიც ვაკანტური იქნება. დანარჩენს შემდეგი არჩევნების გზით არჩეული პარლამენტი დანიშნავს,"-ნათქვამია ვენეციის კომისიის რეკომენდაციაში.

უზენაესი სასამართლოს დანიშნულ მოსამართლეებს მოეთხოვებათ სამართლებრივი ცოდნა, უნარები, კომპეტენცია და სტაჟი ამ მნიშვნელოვანი ფუნქციის შესასრულებლად.

„22. მეორე დაბრკოლება არამოსამართლე კანდიდატებისთვის არის ის რომ მათ გაიარეს სასამართლო კვალიფიცირების გამოცდა. ეს უნდა გადაიხედოს, რადგან მხოლოდ სამართლის სფეროში გამორჩეული კვალიფიკაციის სპეციალისტი შეიძლება ჩაითვალოს უზენაესი სასამართლოს მოსამართლის კანდიდატად. ასეთი კვალიფიკაციის მქონე პირი არ უნდა იყოს იძულებული გაიაროს გამოცდა იმის დასამტკიცებლად რომ ერკვევა სამართლის საკითხებში, რაც უზენაესი სასამართლოს სამუშაოს არსს წარმოადგენს,“ - აღნიშნულია ვენეციის კომისიის მიერ გამოქვეყნებულ რეკომენდაციებში.