„ევროპული საქართველოს“ წევრი, ოთარ კახიძე ვენეციის კომისიის დასკვნას აფასებს.

მისი თქმით, რეკომენდაციები გარკვეული სახელმწიფო ინსტიტუტების მიმართ ნდობის ნაკლებობის დასტურია.

„ნდობა იუსტიციის უმაღლესი საბჭოს მიმართ არის დაბალი იმ ინფორმაციაზე დაყრდნობით, რაც მათ მიიღეს. აქედან გამომდინარე, მოუწოდებენ ხელისუფლებას, რომ ამ პარლამენტმა არ დააკომპლექტოს უზენაესი სასამართლო და შემდეგ პარლამენტს დაუტოვონ ნახევარი მაინც მოსამართლეები ასარჩევად. ეს არის პრაქტიკულად, პასუხი ყველა კითხვაზე, რომელიც ჩვენ გვქონდა, რომელიც აქვს საზოგადოებას. რომ მოარგო შემდგომ მმართველმა გუნდმა იუსტიციის უმაღლესი საბჭოს მოქმედ წევრებს ეს კანონიც, ვენეციის კომისიამ თქვა, რომ არა, არ შეიძლება იუსტიციის უმაღლესი საბჭოს წევრი იყოს თავად კანდიდატი და ამავე დროს მონაწილეობდეს ამ შერჩევის პროცესში, ეს არის ინტერესთა კონფლიქტი და მიუღებელი. მესამე საკითხი, კლანმა რომ მიიღო გადაწყვეტილება და ფარული კენჭისყრით რომ იღებენ სხვადასხვა ტიპის გადაწყვეტილებებს, კი გასაგებია საზოგადოებისთვის, ვინც აძლევს ხმას, მაგრამ სინამდვილეში აქ ყოველგვარი დასაბუთება არის გამორიცხული, ვენეციის კომისიამ მოუწოდა პარლამენტს, რომ ეს შეცვალოს" - აღნიშნა კახიძემ.