„აქ იყო მოსული ის მხეცი გომელაური... ჩვენ ვაიძულებთ, რომ შეიქმნას საგამოძიებო კომისია და მთელმა საზოგადოებამ უნდა გაიგოს, ვის ხელში ვართ და რა ხელისუფლება გვყავს“

„აქ იყო მოსული ის მხეცი გომელაური... ჩვენ ვაიძულებთ, რომ შეიქმნას საგამოძიებო კომისია და მთელმა საზოგადოებამ უნდა გაიგოს, ვის ხელში ვართ და რა ხელისუფლება გვყავს“ - მაჩალიკაშვილი

პოლიტიკა - 12:32, 16 Apr, 2019

678

მალხაზ მაჩალიკაშვილი პარლამენტისგან დროებითი საგამოძიებო კომისიის შექმნის შესახებ მსჯელობის დაწყებას ითხოვს. ის საკანონმდებლო ორგანოში იმყოფებოდა, სადაც შეუძლოდ გახდა და პარლამენტი მალე დატოვა.

„აქ პირდაპირ იყო მოსული ის არაადამიანი, მხეცი გომელაური და ათასი ტყუილები ილაპარაკა, აქედან წავიდა. ამის გამო არ ვქმნით ჩვენ საგამოძიებო კომისიას. შექმნიან, ჩვენ ვაიძულებთ ყველანი ერთად, რომ შეიქმნას საგამოძიებო კომისია და მთელმა საქართველოს მოსახლეობამ, საზოგადოებამ უნდა გაიგოს, რაშია საქმე. უნდა გაიგოს, რომ რატომ ვდგავარ მე უკვე 9 თვე. ამ ყველა სისასტიკის ქვეშ რატომ ვდგავარ და რატომ ვითხოვ. მე იმიტომ ვითხოვ, რომ ქვეყანაში ყველამ გაიგოს, ვის ხელში ვართ და რა ხელისუფლება გვყავს დღე სათავეში. მე იმას ვაპირებ, რომ ამათ დავამხო ეს სისტემა თავზე, ამას ვაპირებ და ამას შევძლებ. მე თუ ეს ვერ შევძელი, თუ მარგუნეს ისევე ტყვია, როგორც არგუნეს თემირლანს, დანარჩენები გააკეთებენ ამას. სამყარო რომ დაიქცეს ეს საქმე გაიხსნება, მთელი საქართველო გაიგებს რაშია საქმე და ესენი წავლენ სახლში, ამას ველოდები და ამას გავაკეთებ მე,“ - განაცხადა პარლამენტის დატოვებამდე მაჩალიკაშვილმა.

შეგახსენებთ: დროებითი კომისიის შექმნის ინიციატივა, რომელმაც თემირლან მაჩალიკაშვილის მკვლელობა უნდა გამოიძიოს, „ნაციონალურმა მოძრაობამ“ დააყენა, თუმცა დეპუტატებს საკითხზე ამ დრომდე არ უმსჯელიათ.