ღუდუშაურის სახელობის კლინიკაში პატიმარი დენის ყვარელაშვილი გარდაიცვალა. გავრცელებული ინფორმაციის თანახმად, პატიმრის ადვოკატი ყვარელაშვილის გარდაცვალებაში ბრალს სასჯელაღსრულების სამინისტროს სდებს.

ადვოკატის თქმით, დენის ყვარელაშვილი არაერთხელ გახდა წამებისა და არაადამიანური მოპყრობის მსხვერპლი, როგორც ძველი, ასევე ახალი ხელისუფლების პირობებში. ადვოკატი პატიმრის მიზანმიმართულ გარდაცვალებაში ხელისუფლებას სდებს ბრალს. როგორც ცნობილია, ყვარელაშვილი C ჰეპატიტითა და ღვიძლის ფიბროზით იყო დაავადებული.

სასჯელაღსრულების სამინისტრო უახლოეს მომავალში აღნიშნულ თემასთან დაკავშირებით ოფიციალურ განცხადებას გაავრცელებს.