"ოცნებას" ზუგდიდში მხარდაჭერა არ აქვს, მათი ერთადერთი ბერკეტი ძალის დემონსტრირებაა"- ბაჩუკი ქარდავა

პოლიტიკა - 19:27, 15 Apr, 2019

927

ოპოზიციის განცხადებით, ზუგდიდის მერის არჩევნებში თავისი კანდიდატის გასაყვანად, მმართველი გუნდი კრიმინალური წარსულის მქონე პირებს იყენებს, რომლებიც მოსახლეობაზე ზეწოლას ახდენენ, გაერთიანებული ოპოზიციის ერთ-ერთი ლიდერის ბაჩუკი ქარდავას თქმით, "ქართული ოცნების" კანდიდატს მოსახლეობის მხარდაჭერა არ აქვს და ხმების მისაღებას ხელისუფლებას ერთადერთი გზა, ძალის დემონსტრირებაღა დარჩა.

„თამამად შეგვიძლია იმის თქმა, რომ "ქართულ ოცნებას" და მათ კანდიდატს ზუგდიდში მხარდაჭერა ნამდვილად არ აქვს. ერთადერთი ბერკეტი, რაც დარჩა ხელისუფლებას, ეს არის ძალის დემონსტრირება. ისინი არ ერიდებიან არაფერს, არც დაშინებას. ცდილობენ პირადობის მოწმობები ჩამოართვან ამომრჩეველს, იციან ვინ არის ამომრჩეველი ოპოზიციის რეალურად და მათ პირადობის მოწმეებს ართმევენ. ხშირ შემთხვევაში, ცდილობენ მათ თანხები გადაუხადონ. დაჭერები, ყველა ტიპის ძალადობაა. ანუ, ფაქტობრივად, ხელისუფლება არ მუშაობს ამომრჩეველთან, ისინი არ ცდილობენ ხმების მოპოვებას. ისინი დარწმუნებულები არიან, რომ მხარდაჭერა მათ არ გააჩნიათ,“ - განაცხადა ბაჩუკი ქარდავამ.