უზენაესი სასამართლოს მოსამართლეების უვადოდ დანიშვნა - პარლამენტში უმრავლესობის კანონპროექტის განხილვა ხმაურის ფონზე მიმდინარეობს.

სულხან სალაძემ დღევანდელ სხდომაზე მსოამართლეების წინააღმდეგ განხორიცელებულ მორიგ ი ზეწოლის ფაქტზე ისაუბრა.

განაცხადა. გავლენიანი არასამთავრობო ორგანიზაციის ხელმძღვანელი ამბობს, რომ ერთ-ერთი მოსამართლის კაბინეტი დაუდგენელმა პირებმა გატეხეს, შეიპარნენ და სამუშაო მაგიდაზე უხამსი ფოტოები დაუტოვეს. ამ ფორმით კლანის არაწევრ მოსამართლეს დაემუქრნენ. საქმე კი მხოლოდ იმით დასრულდა, რომ კაბინეტს საკეტი გამოუცვალეს.

„ეს ადამიანი, ვისთანაც მე მქონდა საუბარი, როგორც ამბობდა ეს იყო ჩაკეტილი ოთახი, რომლის გასაღებიც მას ჰქონდა. მეორე დღეს დახვდა ღია და სამუშაო მაგიდაზე იყო ფურცელი ამობეჭდილი პრინტერიდან, სადაც უცენზურო რაღაც გამოსახულება იყო წარმოდგენილი. მოქმედი მოსამართლეა. ეს იყო შეტყობინება და მესიჯი კონკრეტული მოსამართლის მისამართით, რომ მას უნდა სცოდნოდა სად იყო მისი ადგილი და მას უნდა სცოდნოდა რომ ვინ არის სასამართლო სისტემაში გადაწყვეტილების მიმღები პირი,“-განაცხადა სულხან სალაძემ.