ყოფილი თანაგუნდელები ირაკლი კობახიძეს საპრეზიდენტო არჩევნების პირველ ტურის შედეგებს ახსენებენ და ურჩევენ, რომ პროცენტებისა და ციფრების თვლას თავი დაანებოს.

„ირაკლი კობახიძის დათვლილი პროცენტები უკვე ვნახეთ საპრეზიდენტო არჩევნების პირველ ტურში. ციფრები და პროცენტები ირაკლი კობახიძის ძლიერი მხარე ნამდვილად არ არის და მის ადგილზე ამ ველზე, სადაც აპრიორში, წაგებულია, არ შევიდოდი, თანაც ჩვენ ვიცით, ბატონო ბიძინა ივანიშვილისგან მოვისმინეთ, რომ მას ყური უკვე აუწიეს ერთხელ. ნახევარი საქართველო, პარტიის თავმჯდომარით დაწყებული და ლიდერშიპით გაგრძელებული მოატყუა, მეც იქ ვიყავი სალომე ზურაბიშვილი საარჩევნო შტაბში,როცა მოიყვანეს ბიძინა ივანიშვილი მოტყუებით და გამარჯვება აზეიმეს წაგებულ არჩევნებში.

ინტელექტუალურ კრიზისში არიან იმ ოთახში, სადაც ეს მესიჯბოქსი იწერება, მმართველი პარტიის ფრაქციის თავმჯდომარის მოადგილე ვიყავი, ხელისუფლებაში ვიყავი და წავედი ოპოზიციაში, ეს არის პოლიტიკური ინტერესი?-ცოტა ტვინი მიატანონ რასაც ლაპარაკობენ“- ამბობს თბილისის საკრებულოს წევრი ვატო შაქარაშვილი, რომელმაც „ოცნება“ ახლახანს დატოვა და დაიცავი საქართველოს“ შეუერთდა. ამ განცხადებით შაქარაშვილი კობახიძის იმ ნათქვამს გამეოხმაურა, რომლის თანახმადაც, „დაიცავი საქართველო“ 3%-იან ბარიერს ვერ გადალახავს.