„ერთიანი ნაციონალური მოძრაობის“ თავმჯდომარე გრიგოლ ვაშაძე გარდაბანში, სოფელ ქესალოს მცხოვრებლებს შეხვდა და მათ პრობლემებს გაეცნო. გრიგოლ ვაშაძემ შეხვედრაზე აზერბაიჯანული წარმოშობის საქართველოს მოქალაქეების დასაქმების პრობლემაზე ისაუბრა.

„ორივე ტური მოვიგეთ ისევე, როგორც გარდაბნის ძალიან ბევრი უბანი, რაც აბსოლუტური გმირობა არის ამ ხალხის, იმიტომ, რომ ისეთ პრესში და დისკრიმინაციაში, როგორშიც ახლა აზერბაიჯანული წარმოშობის საქართველოს მოქალაქე არის, ძნელი წარმოსადგენია. არცერთ სამსახურში არ ღებულობენ საქართველოს მოქალაქეს აზერბაიჯანელს აი, აქ მაგალითად, გარდაბნის რაიონში, თუ მან ქართული არ იცის. საერთოდ უპატრონოდ არის სახელმწიფო მიტოვებული. კიდევ ერთხელ რწმუნდები, როდესაც ჩამოდიხარ რეგიონში და ელაპარაკები ხალხს, მაგალითად გარდაბანში,“- განაცხადა ვასაძემ.