"მართალი მურუსიძე და დამნაშავე შავგულიძე , ასეთ სამართალს არასდროს შეეგუება ქართული საზოგადოება"- დავით მაღრაძე

პოლიტიკა - 16:05, 13 Apr, 2019

820

„დაიცავი საქართველოს“ ლიდერმა დავით მაღრაძემ შეკრებაზე სიტყვით გამოსვლისას განაცხადა, რომ აუცილებელია ქვეყნის ორპოლუსიანობისგან გათავისუფლება:

„ამ ორი პარტიიდან დღეს, ვერც ერთი ვერ ტოვებს იმის შთბეჭდილებას, რომ ჩვენს საწადელს და გულისწუხილს მიიტანს ქართულ პოლიტიკაში და თავის ენერგიას მოახმარს იმას, რომ უკეთესი ხვალინდელი დღე გათენდეს. ასე მგონია და ასე ვხედავ, რომ დაიხუთა ეს ასპარეზი და დაიხუთა ახალგაზრდებისთვის, ვინაიდან ორივე პოლიტიკური ორგანიზაცია, რომელიც დღეს ჩემობს პოლიტიკური სივრცე მოიცვას, თითქმის კერპთაყვანისმცემლობას ითხოვს.“- განაცხადა დავით მაღრაძემ.

დავით მაღრაძემ ბიძინა ივანიშვილის ის განცხადება გააკრიტიკა, სადაც ოცნების ლიდერმა სანდრო გირგვლიანის საქმეზე ლევან მურუსიძე გმირად გამოიყვანა, ხოლო ოჯახის ადვოკატი, შალვა შავგულიძე, მკაცრად გააკრიტიკა.

„ახალ სამართალს გვთავაზობენ ქვეყანაში, ჩემი აზრით, ახალ სამართლიანობის თეორიას, სადაც გირგვლიანის საქმეზე ბატონი მურუსიძე აღმოჩნდა ის, ვისითაც უნდა აღფრთოვანდეს საზოგადოება, შავგულიძე აღმოჩნდა დამნაშავე - ასეთი სამართალი ვერ დადგება საქართველოში, ამას არასდროს შეეგუება ქართული საზოგადოებრიობა.“ - განაცხადა მაღრაძემ.