მოძრაობა დაიცავი საქართველოს შეკრებას ქართული ოცნების ღია მხარდამჭერები ესწრებიან.

შეხვედრაზე მისული მოქალაქეები ამბობენ, რომ ისინი "ქართული ოცნების" მხარდამჭერები არიან.

მომღერალ ნინი ქარსელაძის განცხადებით, სურს მოისმინოს, რა პოზიცია აქვთ შეკრების ორგანიზატორებს და მის კითხვებზე პასუხის გაცემას ელის.

„საქართველოს არავისგან არ ვიცავ, მე ვთვლი, რომ ჩვენს ქვეყანას დაცვა არ სჭირდება 2012 წლის შემდეგ ვინმესგან და განსაკუთრებით ეს მმართველ გუნდს ეხება. მე მოვედი, რომ მოვისმინო ადამიანების აზრი, რომლებსაც წლებია, ვიცნობ. ბევრ მათგანს ძალიან დიდ პატივს ვცემ და მინდა, რომ კიდევ ერთხელ დავრწმუნდე იმაში, რომ მე სწორ პოზიციაზე ვარ. მე ვარ ქართული ოცნების, ბატონი ბიძინა ივანიშვილის მხარდამჭერი და დარწმუნებული ვარ, რომ იქიდან გამოსულიც ამ პოზიციაზე დავრჩები. ბევრი კითხვა მაქვს და იქნებ ამ კითხვებზეც პასუხი მივიღო, რატომ მოხდა მათი ამ პოზიციებზე გადასვლა,“ - განაცხადა ნინი ქარსელაძემ.