"მთაწმინდის ამომრჩეველი საარჩევნო სისტემის შეცვლას მხარს უჭერს" - შალვა შავგულიძე და ელენე ხოშტარია ხელმოწერებს ერთობლივად აგროვებენ

პოლიტიკა - 10:31, 13 Apr, 2019

678

არჩევნების პროპორციული სისტემის ჩატარების მოთხოვნით "ევროპული საქართველო" - თავისუფალი დემოკრატების" ბლოკის წევრები ხელმოწერებს ერთობლივად აგროვებენ.

შალვა შავგულიძის განცხადებით მთაწმინდის ამომრჩეველი საარჩევნო სისტემის შეცვლას მხარს უჭერს:

„ჩვენ ვაგრძელებთ ხელმოწერების შეგროვებას პროპორციულ არჩევნებთან დაკავშირებით. დღეს მთაწმინდის ამომრჩევლებს შევხვდით . მოგეხსენებათ ეს საჭიროა, რათა არჩევნები სამართლიანად იყოს აღქმული საზოგადოების მიერ, ბევრად სამართლიანად ჩატარდეს და მოპოვებული ხმების პროპორციულად აისახოს ნებისმიერი პოლიტიკური ძალის წარმომადგენლობა პარლამენტში. უნდა აღვნიშნო, რომ მთაწმინდის ამომრჩეველი ძალიან აქტიურად უჭერს მხარს ამ მოთხოვნას. მე იმედი მაქვს, რომ დანაპირები მილიონი ამომრჩევლის ხმა, წარდგენილი იქნება სრულად.“ - განაცხადა შალვა შავგულიძემ

ევროპული საქართველოს წევრის ელენე ხოშტარის თქმით, არცერთმა ცალკე აღებულმა პოლიტიკოსმა არ უნდა მიიტაცოს ხელისუფლება ამის თავიდან აცილება კი პროპორციულ არჩევნებზე გადასვლაა:

„პროპორციულ არჩევენებზე გადასვლა ეს არის მთავარი ინტერესი რაც დღეს აქვს ქართულ საზოგადოებას ,იმიტომ რომ ეს მოგვცემს საშუალებას არცერთმა პოლიტიკურმა ძალამ , არცერთმა პოლიტიკურმა ჯგუფმა , არცერთმა ცალკე აღებულმა პოლიტიკოსმა არ უნდა მიიტაცოს ხელისუფლება . ეს იქნება ხალხისთვის მთავარი გარანტი იმისა რომ მათ მოუწევთ ხალხის ინტერესებზე ფიქრი და არა თავის ძალაუფლების კეთილდღეობისთვის ფიქრი.“- განაცხადა ელენე ხოშტარიამ