შეტევა აჭარის ტელევიზიის დირექტორზე - ნათია კაპანაძე იმპიჩმენტის საკითხზე განმარტებას აკეთებს

პოლიტიკა - 19:06, 12 Apr, 2019

943

შეტევა აჭარის ტელევიზიის გენერალურ დირექტორზე - აჭარის ტელევიზიისა და რადიოს დირექტორი, ნათია კაპანაძე ჯერჯერობით არ საუბრობს იმ მიზეზებზე, რის გამოც საბჭოს წევრებმა მისი იმპიჩმენტის საკითხი დააყენეს.

კაპანაძის განცხადებით, მისი დირექტორობის პერიოდში ტელევიზიის მუშაობა მაუწყებლის შესახებ კანონზე იყო დაფუძნებული. მისი განცხადებით, არხი იგივე სტანდარტებით გააგრძელებს მუშაობას.

„ჩვენ ვიცით მხოლოდ ერთი, რომ ჩვენი მუშაობა დაფუძნებული იყო საზოგადოებრივ ინტერესებზე, კანონზე, რომელიც არის მაუწყებლობის შესახებ. ცხადია, ჩვენ ვაპირებთ მსგავსი სტანდარტით გავაგრძელოთ მუშაობა, რადგან ეს არის მთელი გუნდის შედეგი, რადგან ეს არის ძვირფასი შედეგი, როგორც საზოგადოებრივი მაუწყებლის იდეა.

"ცხადია, ნებისმიერი საკითხი არის პროცესი, ღია და გამჭვირვალე პროცესი, თუმცა ვფიქრობ, რომ ყველა განსაკუთრებული სიფრთხილით მოვეკიდებით შედეგს, რომელიც აქვს აჭარის მაუწყებელს, როგორც საზოგადოებრივ ტელევიზიას. ცხადია, ყველა საკითხი, რაც უკავშირდება დამოუკიდებელ სარედაქციო პოლიტიკას, არის პოლიტიკის ნაწილიც. ცხადია, რომ პროცესები, რაც დამოუკიდებელი არხის ირგვლივ ვითარდება, არის მაღალი საჯარო ინტერესი და სრულად ვაცნობიერებთ, რომ ეს არ არის მხოლოდ შიდა საკითხები,“ - განაცხადა ნათია კაპანაძემ.