ზუგდიდში განვითარებულ მოვლენებზე და გაერთიანებული ოპოზიციის "ძალა ერთობაშიას" წევრების დაკავებას "ერთიანი ნაციონალური მოძრაობის" წევრი რომან გოცირიძე აფასებს.

მისი თქმით, ხელისუფლებას არ აინტერესებს არავის აზრი და მხოლოდ საკუთარი საკუთარი ძალაუფლების შენარჩუნება სურს.

"ზუგდიდში მომხდარი ძალადობა არის იმ პროცესების გაგრძელება, რაც ხდებოდა მთელი ამ დროის განმავლობაში ხდებოდა, არ დარჩენილა არცერთი საერთაშორისო ორგანიზაცია, დიდი სახელმწიფო, მათ შორის აშშ და მისი სახელმწიფო დეპარტამენტი, რომელთაც არ აღენიშნოთ, რომ ეს არის მოსყიდული, ძალადობრივი გზით და უსამართლოდ ჩატარებული არჩევნები. ვინმე იფიქრებდა, რომ ხელისუფლება ოდნავ მაინც არ შეცვლიდა თავის ტაქტიკას? არა. მათ არ აინტერესებთ არავისი აზრი. მათ აინტერესებს მხოლოდ საკუთარი ძალაუფლების შენარჩუნება" - აღნიშნა რომან გოცირიძემ.