ზუგდიდში დაკავებული ენმ-ის პრესამსახურის უფროსი გიორგი პატარაია სამართალდამცავებმა გაათავისუფლეს. პოლიციის სამმართველოსთან იმყოფებოდნენ გაერთიანებული ოპოზიციის ლიდერები. ბაჩუკი ქარდავას განცხადებით, კადრები, რომელიც ასახავს პოლიიის მხრიდან ოპოზიციის წევრებზე განხორციელებულ ძალადობას, აუცილებლად გადაეგზავნებათ საერთაოშიროს და ადგილობრივ არასამთავრობო ორგანიზაციებს. მისი თქმით, ოპოზიციის გამარჯვება ზუგდიდში გარდაუვალია, ხოლო ამ ფონზე, ხელისუფლება ხავსს ეკიდება და გადასულია ძალადობაზე ოპოზიციის წინააღმდეგ.

„დღეს მთელი დღის განმავლობაში ქალბატონი სანდრა რულოვსი იყო თვალთვალის ობიექტი, შეხვედრებზე უგზავნიდნენ თავიანთ ზონდერებს, რომ ჩაეშალათ შეხვედრები და ეს ხდებოდა რამდენჯერმე, ჩვენი შტაბის წევრების მანქანები იყო თვალთვალის ქვეშე და ბუნებრივია ჩვენ ამას ვიღებდით კამერებით და ვაფიქსირებდით. საბოლოო ჯამში ეს ყველაფერი დასრულდა იმით, რაც ყველამ ვიხილეთ - ხელისუფლების არაადექვატური ქმედებით და კიდევ უფრო უაზრო და არასერიოზული ქმედებით პოლიციის მხრიდან. ხელისუფლება რომელიც ძალადობაზე გადადის და მერე ამ ძალადობის ზურგიც არ აქვს, ეს ხელისუფლება დასრულებულია და ხავსს ეკიდება. ხელისუფლება, რომელიც ხვდება, რომ ხალხის მხადრდაჭერაც არ გააჩნია და მხოლოდ პო;ლიციის იმედად არის დარჩენილი, ის ამ პოლიციასაც აფუჭებს, მარგამ ასეთი ხელისუფლება მალე იქნება გასტუმრებული ისტორიის მოუსავლეთში.

ჩვენ გვექნება შეხვედრა არასამთავრბო და საერთაშორისო ორგანიზაციებთან. ხელისუფლებამ მიიღო საკმაოდ სერიოზული გაფრთხილება საპრეზიდენტო არჩევნების დროს და თუ ისინი ასეთი საარჩევნო კამპანიის გაგრძელებას აპირებენ, ჩვენ ამ არჩევნებს არ დავთმობთ, რადგან დარწმუნებული ვართ გამარჯვებაში და თუ ეს ხელისუფლება შეეცდება ძალის გამოყენებით მიიტაცოს არჩევნები და მისი შედეგი და წაართვას ხალხს არჩევანი და დამერწმუნეთ ეს უკვე ყვითელი ბარათი არ იქნება, მათ აუნთებენ წითელ ბარათს და არა მხოლოდ საერთაშორისო ორბანიზაციები, უკვე ქართველი ხალხი აუნთებს წითელ ბარათს“ - განაცხადა ბაჩუკი ქარდავამ.

შეგახსენებთ, რომ დღეს გვიან საღამოს სამართალდამცავებმა ენმ-ის საკრებულოს დეპუტატი, პარტიის პრესამსახურის უფროსი და ოპოზიციის წარმომადგენელი მანუჩარ ჩხერია დააკავეს.

მოგვიანებით სამართალდამცავებმა გიორგი პატარაია გაათავისუფლეს, ანი წითლიძე და მანუჩარ ჩხეტია, ამ დრომდე პოლიციის სამმართველოში იმყოფებიან.