"ქართული ოცნების“ თავმჯდომარესა და ილია მეორეს შორის გამართულ შეხვედრას გაერთიანებული ოპოზიცია "ძალა ერთობაშიას" წევრი, ფრაქცია "ნაციონალური მოძრაობს" წარმომადგენელი სალომე სამადაშვილი ეხმაურება.

„ეს არის წინასაარჩევნოდ მიმართული, კიდევ ერთი, მე ვიტყოდი, მოსყიდვის მცდელობის აქცია.

ახლოვდება არჩევნები და კიდევ ერთხელ ვხედავთ იმას, რომ ბიძინა ივანიშვილი ფიქრობს, რომ ჩვენს ქვეყანაში შეეძლება ყველას და ყველაფრის ყიდვა, როდესაც ეს გახდება საჭირო, მათ შორის, ეკლესიის, მათ შორის, შეიძლება სპეკულირება ჩვენი მოქალაქეების რელიგიური გრძნობებით და ასე ვთქვათ, არჩევნების წინ, დაპირდა გროშების გადაგდებას საქართველოს ეკლესიას მორიგ ჯერზე, ბიძინა ივანიშვილი,“ - განაცხადა სამადაშვილმა.

დღეს ივანიშვილი სრულიად საქართველოს კათოლიკოს პატრიარქს შეხვდა, სადაც აღნიშნა, რომ იგი მზადაა სამების საკათედრო ტაძრის მოხატვა სრულად დააფინანსოს.