"ხელისუფლების წარმომადგენლები დახმარებას ჰპირდებიან, მაგრამ არაფერი შესრულდა" - სანდრა რულოვსი კომპაქტურად ჩასახლებულთა მძიმე პირობებს გაეცნო

პოლიტიკა - 20:13, 11 Apr, 2019

959

გაერთიანებული ოპოზიციის მერობის კანდიდატი, სანდრა რულოვსი ზუგდიდში კომპაქტურად ჩასახლებული პირების პრობლემებს გაეცნო.

ადგილობრივები ამბობენ, რომ რამდენიმე კვირის წინ საცხოვრებელ კორპუსს ქარმა სახურავი ახადა, როს გამოც მე-4 სართულზე საცხოვრებელ ბინებში წყალი ჩადის.

დღეს გაერთიანებული ოპოზიციის ზუგდიდის მერობის კანდიდატი სანდრა რულოვსი სოფელ ჭითაწყარში იმყოფებოდა.

კორპუსს, რომელშიც დევნილები ცხოვრობენ, ქარმა სახურავი გადახადა და მცხოვრებლებს, წვიმის დროს, ბინაში წყალი ჩასდით.

ხელისუფლება მობინადრეებს არა ერთხელ დაჰპირდა როგორც სახურავის, ასევე კორპუსამდე მისასვლელი გზის შეკეთებას, თუმცა არცერთი მოუგვარებია.

"ჭითაწყაროელებს სჭირდებათ ხელისუფლება, რომელიც დაპირებებს შეასრულებს. ზუგდიდის მერის არჩევნები ამისთვის მშვენიერი შანსია" - განაცხადა სანდრა რულოვსმა.

”ძალა ერთობაშია"-ს ზუგდიდის მუნიციპალიტეტის მერობის კანდიდატი აცხადებს, რომ ადგილობრივი ხელისუფლება კორპუსში შესახლებულ ოჯახებს უკვე რამდენიმე თვეა შენობის გადახურვას ჰპირდება, თუმცა როგორც ყოველთვის არაფერი შესრულებულა.

„აქ რამდენიმე კვირის წინ ქარმა ახადა სახურავი და სამწუხაროდ მთელ მე-4 სართულზე ყველა ბინაში არის ჩამოსული წყალი. ამის გამო იყვნენ მოსულები ქალაქიდან რამდენიმეჯერ. ჰპირდებიან, მაგრამ არაფერი არ შესრულდა, როგორც ყოველთვის. ზუგდიდში, როცა არის ასეთი პრობლემები, მოდის მთავრობიდან წარმომადგენელი, მაგრამ არაფერი არ ხდება. ჩვენ სადაც დავდივართ, ჯერ ერთი ძალიან ცუდი გზა არის აქამდე, ამას თუ გზა ჰქვია და მერე ასეთი სიტუაცია რომ დაგხვდება. გუშინაც იყვნენ მოსულები აქ, ეტყობა გაიგეს, რომ ჩვენ ვაპირებდით მოსვლას. დღესაც რწმუნებული თვითონ შეწუხდა და აქ იყო მოსული და კიდევ ერთხელ დაპირდა ბატონ ჯემალს, რომ გაგიკეთებ სახურავსო. ერთხელ კი გააკეთეს რაღაც დროებით, მაგრამ ისევ გაფუჭდა,“ - განაცხადა სანდრა რულოვსმა.