პარლამენტის იურიდიულ საკითხთა კომიტეტი დღეს უზენაესი სასამართლოს მოსამართლეობის კანდიდატების შერჩევის წესთან დაკავშირებით დეპუტატ ეკა ბესელიას მიერ მომზადებული პროექტს განიხილავს.

როგორც კანონპროექტის ინიციატორები ამბობენ, მათი შემუშავებული დოკუმენტი არის გარანტი იმისა, რომ სასამართლო ხელისუფლებაზე მურუსიძე-ჩინჩალაძის კლანს აღარ ჰქონდეს გავლენა. კანონპროექტის მიხედვით, იუსტიციის საბჭოს რჩება უფლებამოსილება წარადგინოს კანდიდატები პარლამენტში და ამის შემდეგ უკვე მთლიანი პროცესი გადაინაცვლებს საკანონმდებლო ორგანოში.

„თუ პარლამენტს უნდა რომ უზენაესი სასამართლოს მოსამართლეები იყოს არჩეული გამართული პროცედურით ამ პროექტს უნდა დაუჭიროს მხარი. ჩვენ ძალიან კარგად გვესმის რომ ეჭიდება მმართველი პარტია ამ მთავარ ხაზს რომ როგორმე არ მოხდეს სასამართლოს იმ ჯგუფისთვის ისეთი საკანონმდებლო ცვლილებების მიღება რომელიც მათ ხელს შეუშლის შემდეგი მიზნების რეალიზებაში, მაგრამ აქ არიან დეპუტატები, რომლებსაც არ აქვთ ესეთი პირდაპირი ლობიზმი იუსტიციის საბჭოსთან. მე სწორედ მათგან ველოდები პრინციპულ პოზიციას. მარტო ლაპარაკი რომ ჩვენ გვინდა დამოუკიდებელი სასამართლო, ჩვენ ვიბრძვით უკეთეს სასამართლოსთვის, ჩვენ ვაჩერებდით 10-კაციან სიას, ეს ლაპარაკი არ არის საკმარისი,“-განაცხადა ეკა ბესელიამ.

მოსამართლეთა შერჩევის წესთან დაკავშირებით დღეს იურიდიული კომიტეტის კიდევ ერთ ინიციატივას მოისმენს. მას შემდეგ, რაც "ევროპული საქართველოს" მიერ მომზადებული კანონპროექტი სესიაზე ჩავარდა, პარტია კომიტეტს ახალი ინიციატივით მიმართავს.

„ჩაბეტონება ამ კლანის მმართველობისა, რომლის მეშვეობითაც ივანიშვილის მართავს სისტემას და იმ კორუფციის, რომელიც დააბრუნეს ამ სისტემაში, ამის წინააღმდეგ ბრძოლა არის დიდ საკითხი და სანამ რამე შანსი გვაქვს საკანონმდებლო დონეზე და საზოგადოებრივი წნეხით ჩვენ გავაგრძელებთ მორიგი ინიციატივების დაყენებას,“-განაცხადა გიგა ბოკერიამ.

მოსამართლეთა შერჩევის კრიტერიუმებთან დაკავშირებით ალტერნატიულ არც ერთ კანონპროექტს, მმართველი გუნდი მხარს არ დაუჭერს.