საქართველოს პრემიერ-მინისტრის განცხადებით საქართველოს ღრმაწყლოვანი პორტი აუცილებლად ექნება. აღნიშნულზე მამუკა ბახტაძემ ანაკლიის პორტის პროექტის მიმდინარეოაბასთან დაკავშირებული კითხვის საპასუხოდ განაცხადა.

ბახტაძის განცხადებით, იმისათვის, რომ ეს პროექტი შემდგარიყო მას დიდი დრო აქვს დახარჯული:

„პირადად მე ძალიან დიდი დრო მაქვს დახარჯული მოლაპარაკებებში, რომ ანაკლიის პორტის პროექტი შემდგარიყო. სრულ მხარდაჭერას ვუცხადებთ ამ პროექტს. ჩვენი პრიორიტეტი გახლავთ სწორედ ის, რომ კერძო სექტორმა შეძლოს ამ პროექტის რეალიზაცია. ამასთან ერთად, მინდა კიდევ ერთხელ გავიმეორო, რომ საქართველოს აუცილებლად ექნება ღრმაწყლოვანი პორტი. ეს ჩვენს სასიცოცხლო ინტერესებშია,“ - განაცხადა მამუკა ბახტაძემ.